सियानी गोठ

 सियानी गोठ 

जनकवि कोदूराम “दलित”

8.    धरती

धरती ला हथियाव झन, धरती सबके आय

ये महतारी हर  कभू  , ककरो संग न जाय

ककरो संग  न जाय  ,  सबो ला धरती देवो

करो दान  धरती के ,   पुण्य कमा तुम लेवो

देवो  ये  ला  भूमि - हीन  ,  भाई - बहिनी ला

सिरजिस हे भगवान,सबो खातिर धरती ला.

[धरती  -       भूमि को मत हथियावो ,भूमि सब की है. यह माँ कभी किसी के संग नहीं जाती. सब को भूमि दें. भू-दान करके पुण्य कमा लें. भूमिहीन भाई-बहनों को भूमि बाँटे. ईश्वर ने भूमि का सृजन सबकी खातिर किया है.]